ඇය තරුමලී. මේ දිනවල බොහෝ දෙනෙක් කතා වන්නේ ඇය ගැනයි.
.jpg)
විනු උදානි සිරිවර්ධන කියන්නද? තරුමලී කියන්නද?මගේ සැබෑ නම විනු උදානි වුණත් අදනම්, හැමෝම වගේ මට කියන්නෙ ”තරුමලී” කියලයි. පොඩි ළමයි එහෙම මට කියන්නෙ ”තරු” අක්කා කියලයි. මේ
.jpg)
චරිතයට ලැබෙන ප‍්‍රතිචාර නම් ඇත්තටම හරිම ඉහළයි. ක්ෂේත‍්‍රයේ සමකාලීන අය වගේම, ප‍්‍රවීනයින්ගෙන් පවා ලැබෙන ප‍්‍රතිචාර ඉහළයි..jpg) |
 |
 |
දැන් වයස කීයද?අවුරුදු විසි එකයි.
ජීවිතේ අලූත් වෙනසක් වෙන්න යනවලූ නේද?ඔව්, මම චිත‍්‍රපටයක රඟපාන්නයි සූදානම
x ඒකද වෙනස?
ඔව්, මොකද මෙතෙක් රඟපෑවේ, ටෙලි නාට්‍ය වල විතරයි. ඇහැලේපොල කුමාරිහාමි චිත‍්‍රපටයේ පුස්සැල්ලේ කුමාරිහාමිගෙ දුව ලෙස චරිතයක් ලැබිලා තියෙන්නෙ. ඒ චරිතය රඟපාන්න මම ගොඩාක් ආසාවෙන් ඉන්නෙ.
ලබන වසරේ විවාහය සඳහාත් සූදානම් වෙනවලූ නේද?යෝජනා නම් ඇවිත් තියෙනවා. ඒත් තවම විවාහය ගැන නම් හිතුවෙ නැහැ. මේ යෝජනා ගැන දෙමාපියන් තවම සොයලා බලනවා.
එයා රංගන ක්ෂේත‍්‍රයේම කෙනෙක්ද?මේ ක්ෂේත‍්‍රයට කොහෙත්ම සම්බන්ධ නැති කෙනෙක්. එයා විදේශගත වෙලයි සිටින්නෙ.
විදේශ රටවල සිටින අය විවාහයට තෝරා ගැනීම අද බොහෝ දෙනා කරන දෙයක් නේද?මම නම් එහෙම හිතාගෙන කළ තේරීමක් නෙවෙයි. එයා ලංකාවේ සිටියදී තමයි මේ යෝජනාව ආවේ. ඒ හැරත් එයා දීර්ඝ කාලීනව විදේශගතව සිටින කෙනෙක් නෙවෙයි.
ඒ කියන්නෙ විවාහයෙන් පසුව විදේශගත වෙන්න ඔබට කැමැත්තක් නැහැ කියන එකද?ඇත්තටම මම කැමති ලංකාවේ ජීවත් වෙන්නයි. ඒ වගේම විවාහ වන කෙනා මේ ක්ෂේත‍්‍රයේම කෙනෙක් විය යුතුය කියලා බලාපොරොත්තු වුණෙත් නැහැ.
නළු පරපුරේ අයගෙ යෝජනාවලට කැමති නැද්ද?මුල් කාලයේදී වගේ නම් එහෙම යෝජනාත් ආවා. නමුත් කාගෙන්වත් බලපෑම් නම් වුණෙත් නැහැ.
ක්ෂේත‍්‍රයේ කෙනෙක් එක්ක විවාහ වන අදහස කවදාවත් මට තිබුණෙ නැහැ.
ඒත් නිළි පරපුරේ සමහර අය නම් කියන්නෙ ක්ෂේත‍්‍රයේම කෙනෙක් එක්ක විවාහ වීම හොඳයි කියලයි. ඇයි ඔබ අකමැති.?එය ඇත්තටම පුද්ගලයා අනුව වෙනස්වන දෙයක්. සමහර වෙලාවට ක්ෂේත‍්‍රයේ කෙනෙක් සමග විවාහ වීම වැඩ කටයුතු වලට සහයෝගයක් වගේම සමහර වෙලාවට බාධාවක් වෙන්නත් පුළුවනි. නමුත් කුමක් හෝ වේවා, එතැනදි මුල් වන්නෙ ”ආදරයයි”. ඒ වගේම මේ කලා අංශයෙන් දුර ගමනක් යන කෙනෙකුට නම් කලාවෙම නියැලී සිටින කෙනෙක් තේරීම වැදගත් වේවි.
කලා ක්ෂේත‍්‍රයේ දිගටම රැඳී සිටින්න ඔබට අදහසක් නැද්ද?ඇත්තටම මම ක්ෂේත‍්‍රයට ආවෙත් යම්කිසි සීමාවක සිටයි. ලැබෙන සියල්ලම බාර ගත්තෙ නැහැ. කොහොම වුනත්, විවාහ වන පුද්ගලයාගේ කැමැත්ත අනුව එය තීරණය වේවි.
එයා එපා කිව්වොත් ?එයා අකමැති නම් ඊට අවනත වන්න ඕනෑ.
.jpg)
ඔබ කිව්වනෙ පුද්ගලයා කවුරු හෝ වේවා ආදරයක් තිබේ නම් ප‍්‍රශ්නයක් නැහැ කියලා. දැන් ඔබට ආදරයක් ඇතිවෙලාද තියෙන්නෙ?ඒ ආපු යෝජනාවට කැමැත්තක් ඇතිවෙලා තියෙන්නෙ. එකට එක්ව ගමනක් යන්න පුළුවන්ද කියන දේ ගැන තව දුරටත් තේරුම් ගැනීම අවශ්‍යයි.
ටෙලි නාට්‍ය සහ චිත‍්‍රපට රංගනයෙහි වෙනස දැනෙන්නෙ කොහොමද ?තවම චිත‍්‍රපටයෙ රූගත කිරීම් වලට දායක වුණේ නැහැ. ඒ නිසා තවම ඒ වෙනස අත්විඳින්න බැරි වුණා. කොහොම වුනත්, චිත‍්‍රපට රංගනය ටෙලි නාට්‍ය රඟපෑමට වඩා සංකීර්ණ වේවි.
රඟපැම ඔබගෙ වෘත්තිය නෙවෙයිද ?කරන දේ වෘත්තීය ගරුත්වයෙන් කරන්නෙ. නමුත් උසස් අධ්‍යාපනය හදාරන්නෙ ජනමාධ්‍ය කළමනාකරණ අංශයෙන්.
0 comments:
Post a Comment